NRNA NCC USAElection 2025

हामी आगामी एनआरएनए एनसीसी अमेरिका निर्वाचनमा नयाँ सोच, स्पष्ट दृष्टिकोण, र समुदायप्रतिको गहिरो प्रतिबद्धतासहित अघि बढिरहेका छौं। आजको दिनमा एनआरएनए अमेरिका विभाजित अवस्थामा छ। नेपाली सरकारबाट मान्यता प्राप्त भए पनि, यो संस्था नेपाली समुदायबाट टाढिँदै गएको छ। ५ लाखभन्दा बढी नेपालीहरू अमेरिकामा बसोबास गर्दा पनि केवल १० हजार हाराहारीमा सदस्यता हुनु गम्भीर चिन्ताको विषय हो। हामी विश्वास गर्छौं—अब समय आएको छ "नयाँ सोच र नयाँ दिशातर्फ अघि बढ्ने"।

हामीसँग ठूला सपना छैनन्। बस, बिना रोकावट आफ्नो मातृभूमि टेक्न पाइयोस्, मातृभूमिको माटो छुँदा कसैको अनुमति लिन नपरोस्, र नेपालको प्रगतीमा विदेशमा बगाएको पसिनाको केही अंश मिसाउन पाइयोस्। एनआरएनए विश्वभर छरिएर रहेका हरेक नेपालीहरूको एक पेट खाना, एक ओठ हाँसो, र एक ओछ्यान निद्रोको साझेदारी संस्था बन्न सकोस् भन्ने हाम्रो सपना हो। यो केवल निर्वाचन होइन—यो परिवर्तनको अभियान हो। हामी तपाईंलाई हाम्रो साथ दिन, विचारहरू आदनप्रदान गर्न, र एनआरएनए अमेरिकालाई सबै नेपालीहरूको साझा आवाज बनाउने यात्रामा सहभागी हुन आग्रह गर्दछौं। हामी सबै मिलेर, नयाँ एनआरएनए बनाऔं—जहाँ सबैको स्थान छ, सबैको आवाज सुनिन्छ।